ຍິນດີຕ້ອນຮັບສູ່ ເທີນ-ຫີນບູນ (ທຫບ)

ຕົວແບບໃນການນໍາພາ ໃຫ້ແກ່ຂະແໜງພະລັງງານໄຟຟ້ານໍ້າຕົກແບບຍືນຍົງໃນ ສ.ປ.ປ. ລາວ

ທຫບ ເປັນຜູ້ດໍາເນີນໂຮງໄຟຟ້າພະລັງງານນໍ້າຕົກ ເທີນ-ຫີນບູນ ຢູ່ແຂວງບໍລິຄໍາໄຊ ແລະ ແຂວງຄໍາມ່ວນ, ປະເທດລາວ. ໂຄງການພາກຂະຫຍາຍຈາກໂຄງການພະລັງງານເດີມ ໄດ້ສໍາເລັດໃນປີ 2012 ແລະ ໄດ້ເປີດເປັນທາງການ ໃນເດືອນ ມັງກອນ 2013.

 ທຫບ ເປັນບໍລິສັດຮຸ້ນສ່ວນ ລະຫວ່າງ ພາກລັດ ແລະ ເອກະຊົນ ເປັນເຈົ້າຂອງໂດຍບໍລິສັດລາວ ມະຫາຊົນ ຮ່ວມກັບນັກລົງທຶນຈາກປະເທດໄທ ແລະ ສະແກນດີນາເວຍ ເຊິ່ງ ທຫບ ເປັນຜູ້ຜະລິດພະລັງງານເອກະລາດ ເພື່ອຕອບສະຫນອງໄຟຟ້າໃຫ້ປະເທດໄທ ແລະ ປະເທດລາວ.

ທຫບ ມີຄວາມມຸ່ງໝັ້ນໃນການປະກອບສ່ວນໃຫ້ແກ່ການພັດທະນາເສດຖະກິດ ແລະ ສັງຄົມ ໃນປະເທດລາວ ພ້ອມທັງການຮັກສາສິ່ງແວດລ້ອມ. ການປະຕິບັດງານມີຄວາມສອດຄ່ອງກັບກົດໝາຍ ແລະ ລະບຽບການຂອງ ສ.ປ.ປ. ລາວ ແລະ ບັນລຸມາດຕະຖານຂອງຫຼັກການ Equator ແລະ ນະໂຍບາຍຄວາມໝັ່ນຄົງຂອງທະນາຄານພັດທະນາອາຊີ.

ນັບຕັ້ງແຕ່ເລີ່ມຕົ້ນ, ທຫບ ໄດ້ປະກອບສ່ວນທີ່ສໍາຄັນໃຫ້ແກ່ການພັດທະນາ ປະເທດລາວ, ສະໜອງລາຍໄດ້ທີ່ເປັນເງິນຕາຕ່າງປະເທດ, ໄຟຟ້າໃຫ້ແກ່ການຂະຫຍາຍຕົວຂອງອຸດສາຫະກໍາ ແລະ ປັບປຸງສະພາບທັງພາຍໃນປະເທດ, ບວກກັບການຈ້າງງານ ແລະ ຝຶກອົບຮົມໃຫ້ພະນັກງານໃນທ້ອງຖິ່ນເປັນພັນໆຄົນ. ນີ້ເປັນທຸລະກິດບຸກເບີກ ທີ່ໄດ້ປູທາງໃຫ້ໂຄງການລົງທຶນອື່ນໆເປັນຫຼັກ ແລະ ການເຕີບໂຕຂອງເສດຖະກິດໃນທົ່ວປະເທດ.